Korean Spicy Noodle: Samyang buldakbokkeummyun

Misi mencuba korean spicy noodle bermula bila my younger brother tiba2 contact me suruh cari korean spicy noodle di kk sebab di kb xda jual. Then, sa pun p cari2 la tapi tidak juga jumpa yang paling pedas and femes di facebook dorang bikin korean spicy noodle challenge.

Then, ada sa nampak orang post d FB cakap ada jual di Everise Imago.. So, time rest lunch hour kemarin p la kunun mencari di Imago.. Yeahhh ada aaa.. Punya lama suda sa mencari di Servay Likas, Giant, and CKS memggatal tapi xda jumpa.. Last2 jumpa di Everise.


Sampai opis x sabar suda mau try.. Trus masak 1 bungkus.. Oh ya. Harga dia RM30.90 untuk 5 paket di Everise, Imago.

Ni ramen jenis yang kering punya tidak berkuah.. Berabis ba sa google translate tu tulisan korea dia. 

Bungkus kedua sa makan di rumah niari

1st sa makan.. Erkk tidak pun berapa pedas ni.. Tapi lepas separuh suda masuk mulut.. Macam tu bibir sa pun kabas2 suda mau bengkak suda.. Air mata sama hingus pun keluar2 suda.. Cepat2 sa main talan saja tidak sanggup mau kunyah sebab mau capat2 kasi abis..aduiii punya la padasssss gila..

Ada juga dalam 10 minit kali baru hilang tu rasa pedas.. Tapi tu pedas di perut macam lama juga hilang ni.. Kasian tu tinae sa kepadasan..

Sekian itu saja review sa pasal ni ramen yang no 3 padas bilang tu theramenrater.com

Kalau kamu mau cuba, p cari sana Everise Imago.. Banyak lagi stok dorang sana..

Share sama kawan2 lain manatau ada yang tercari2 macam sa tuari.

(Visited 146 times, 1 visits today)

Leave a Reply

Your email address will not be published. Required fields are marked *

CommentLuv badge